རྒྱ་མཚོ་ཡིས་སྙིང་གཏམ།།
བུ་
འཛམ་གླིང་ཆུང་ཆུང་འདི་ནང།
མཛེས་མ་མང་པོ་མཐོང་ཆུང།
བདག་གི་སྙང་ཆུང་གྲོགས།
རང་གི་ཁོག་ནང་འཁྲུངས་བཞག།
བུ་མོ་
ལོ་ངོ་ཉི་ཤུ་འགྲོ་སོང།
ཕོ་ས་ཛིག་ཛིག་མཐོང་བྱུང།
ཡི་གེ་མང་པོ་སླེབས་བྱུང།
ཚང་མ་ཡ་མེད་བཏང་ཡིན།
བུ་
མཛེས་མ་རླུང་ཚུབ་མ་བྱེད།
དེ་འདྲ་རང་དང་མ་གསུངས།
ཚང་མ་ཡ་མེད་བཏང་ན།
ཉིན་གཅིག་གཅིག་པོ་ལྷག་ཡོང།
བུ་མོ་
སྨྱོན་ཕྲུག་མགོ་གསེར་ཁྱེད་རང།
ཡག་མདོགས་ཁ་པོ་མ་བྱེད།
བུ་མོ་ཚང་མའི་ལག་ནས།
ཐོར་བ་ཟས་ཡ་ཡིན་པས།
བུ་
ཐོར་བ་མགོ་ལ་བཟས་ཡིན།
ཐོར་བ་སྙིང་ལ་བཟས་མིན།
སྙིང་ལ་ཐོར་བ་བཟས་ན།
ད་ཆ་ཁྱོད་རང་མཇལ་མེད།
བུ་མོ་
ཇས་ཀྲིན་འདྲ་བའི་རྣམ་པ།
གངས་དཀར་འདྲ་བའི་སེམས་པ།
སལ་མན་འདྲ་བའི་སྐུ་གཟུགས།
བུ་མོ་མི་རག་གང་རེད།
བུ་
བུ་མོ་ཀྲོག་ཀྲོག་ཁྱོད་རང།
སྦོར་ཤོས་དེ་འདྲ་མ་བཤད།
ཡི་གེ་ང་ལའང་སླེབས་བྱུང།
ཡིན་ཡང་གུ་སིམ་བསྟད་ཡིན།
བུ་མོ་
ཨ་ལས་དེ་འདྲ་ཡིན་ན།
ད་དན་རང་ལ་རླགས་རྒྱུགས།
གུ་སིམ་གཏིང་ནག་ཁྱེད་རང།
རྙོག་གྲ་མང་པོ་མ་བཤད།
བུ་
ཤ་ཚ་ན་མོ་ཁྱོད་རང།
སྙིང་ཆུང་ཁྲག་བཏང་སོང།
ཉིན་གཅིག་འགྱོད་པ་སྐྱེད་དུས།
དེ་དུས་ཡ་ང་སྒུག་ཡོད།
བུ་མོ་
སྐད་ཆ་དེ་འདྲ་ཀྲག་པོ།
ཨམ་ཅོག་ནང་དུ་མི་འགྲོ།
རྨི་ལམ་ནང་དུ་མི་ཤར།
དེ་ལས་ཁྱེད་རང་ཕེབས་རོགས།
མཐར་ཐུག་བུ་དེ་དཔྲལ་བས་མིག་གཉིས་ནས་མཆི་མས་རྒྱུན་ནས་དབང་མེད་དུ་བཞུར་འོངས་སྟེ་
གང་བྱེད་གང་ཐབས་མེད་ཞིང་ རང་ཉིད་གཅིག་པོ་ཆིག་ལབ་དང་འཁང་ར་བྱེད་ནས་རྐང་ལམ་ཕྲ་མོ་ལ་ཚིག་དེ་སྐད་སྨྲད་སོ་
མི་ཚེ་ཆུང་ཆང་འདི་ནང།
གཅིག་པོ་འགྲོ་འདོད་མི་འདུག།
ཁྱེད་དང་མཉམ་དུ་གཤིབས་ནས།
མི་ཚེ་སྐྱེལ་འདོད་བྱུང་སོང།
མི་བཟློག་སྲིད་པའི་ཆོས་ཉིད།
རང་ཉིད་གང་དགོས་མི་འགྲུབ།
ད་སྟ་བསམ་ཞིག་བསམ་ན།
མི་ཚེ་སྙིང་པོ་མི་འདུག།
ཁྱད་ཀློག་པ་པོ་རྣམས་ལ་སྙིང་གཏམ་འདི་ཀློག་ནས་ག་ལེར་སེམས་ཀྱི་རྒྱ་མཚོ་ནང་ལ་བདེ་སྐྱིད་ནམ་མཁའ་ལྟ་བུ་ལྷུང་པའི་སྨོན་ལམ་ཡོད།།
